Музей гісторыі Віцебскага народнага мастацкага вучылішча
Музей размешчаны ў асабняку, у якім у 1918–1923 гадах працавала Віцебскае народнае мастацкае вучылішча, заснаванае Маркам Шагалам. Будынак з'яўляецца гісторыка-культурным помнікам архітэктуры пачатку ХХ стагоддзя.
Музей освещает историю и культуру Витебска ХIХ – ХХ веков, рассказывает о художниках, работавших в нем: Марке Шагале, Казимире Малевиче, Эль Лисицком и многих других. Рассказывает о создании и деятельности творческого объединения УНОВИС («Утвердители НОВого ИСкусства»). .
Музей абсталяваны мультымедыйнымі прыладамі, якія дазваляюць пагрузіцца ў тэму рускага авангарда.
210015, г. Віцебск, вул. Марка Шагала, 5а
тэл.: +375 212 680125
Зимнее время работы (с 1 октября): 11.00 – 19.00.
Летні час працы (з 1 мая): 11.00 – 19.00.
Выходной: понедельник
Афіцыйнае адкрыццё Музея гісторыі Віцебскага народнага мастацкага вучылішча (вул. Марка Шагала, 5а) адбылося 9 лютага 2018 года ў будынку, у якім у 1918–1923 гадах размяшчалася Віцебскае народнае мастацкае вучылішча (ВНМВ). Вучылішча было створана па ініцыятыве Марка Шагала – упаўнаважанага Калегіі па справах мастацтваў Віцебскай губерні, і стала першай дзяржаўнай педагагічнай установай мастацкага профілю на тэрыторыі нашай краіны.
Музей адкрыты напярэдадні 100-гадовага юбілею заснавання ВНМВ, а рэканструкцыя будынка была распачата ў 2013-м – у год стагоддзя з часу будаўніцтва будынка віцебскім банкірам Ізраілем ВІШНЯКОМ.
Рэканструкцыя выканана ў адпаведнасці з захаваным планам будынка 1923 года: узноўлены тыповы інтэр'ер пачатку XX стагоддзя, фрагментарна адкрыты аўтэнтычны мур сцен, зроблены зандаж старой тынкоўкі.
Мультымедыйнае абсталяванне дапамагае акунуцца ў атмасферу тых гадоў.
Наведвальнікі музея могуць азнаёміцца з культурным жыццём Віцебска канца ХІХ – пачатку ХХ стагоддзя, даведацца пра дзейнасць ВНМВ і пра стварэнне творчага аб'яднання УНОВІС (“Сцвярджальнікі Новага Мастацтва”).
З ВНМВ звязаны найбольш плённыя гады такіх мастакоў рускага авангарда, як Марк ШАГАЛ, Казімір МАЛЕВІЧ і Эль ЛІСІЦКІ.
Цяпер Марк ШАГАЛ і Казімір МАЛЕВІЧ уваходзяць у ТОП-30 самых дарагіх мастакоў свету, і іх творчасць цікавіць людзей розных краін.
Наведвальнікі могуць пабываць у зале Марка ШАГАЛА, у якой знаходзіцца ўнікальнае мультымедыйнае люстэрка, якое дазваляе весці “дыялог” з Майстрам.
У зале Казіміра МАЛЕВІЧА на сценах “ажываюць” цытаты з твораў аўтара знакамітага “Чорнага квадрата”. Кожны наведвальнік можа скарыстацца інфармацыяй, якая занесена ў мультымедыйны стол, выкананы ў стылі мінулага стагоддзя.
У музеі таксама можна даведацца пра жыццёвы і творчы шлях выкладчыкаў і выпускнікоў вучылішча: Мсціслава Дабужынскага, Веры Ермалаевай, Роберта Фалька, Аляксандра Рома, Ксеніі Багуслаўскай, Івана Пуні, Давіда Якерсона, Іллі Чашніка, Ніны Коган, Мікалая Суеціна, Абрама Бразера і многіх іншых, дзякуючы якім Віцебск увайшоў у гісторыю сусветнага мастацтва.
Фотамоманты з творчай сустрэчы з мастаком @serge_m_art ва ўтульнай атмасферы на Талстога,7
📸@igorgusakov4
18 лістапада а 17 гадзіне ў Музеі гісторыі Віцебскага народнага мастацкага вучылішча ў межах выставачнага праекта “Ле Карбюзье: віцебскае рэха” адбудзецца лекцыя “Архітэктура мадэрнізму ў Віцебску: персоны, вытокі і неабходнасць захавання. Лекцыю чытае Яўген Калбовіч - архітэктар, старшыня Віцебскага аддзялення Беларускага саюза архітэктараў.
Уваход вольны
📍Музей гісторыі Віцебскага народнага мастацкага вучылішча
вул. Марка Шагала, 5а
🗓️18 лістапада
⏱️17.00
Фотамоманты ад @igorgusakov4 з адкрыцця выставы «Дыялог пакаленняў» IX Рэспубліканскай біенале мастацкага тэкстылю ў выставачнай зале на Белабародава, 5
Выстава працуе да 14 снежня ўключна.
У суботу 15 лістапада запрашаем на творчую сустрэчу з мінскім мастаком Сяргеем Махначом @serge_m_art дзе ён прэзентуе сваю новую кнігу “Жыццё як падарожжа. Малюнкі, зробленыя ў дарозе”. У кнігу ўвайшлі малюнкі, гісторыі, фотаздымкі, створаныя пад час вандровак па свеце. Таксама мастак раскажа пра гісторыю стварэння падобных нататкаў, скетчбукаў вядомымі майстрамі. Яго расповед ахопіць перыяд з XIX стагоддзя і да нашых дзён.
Сяргей Махнач з дзяцінства любіў маляваць, але прафесійна вывучаць малюнак, жывапіс і кампазіцыю пачаў толькі з 2015 года. А ўжо з 2016 года мастак актыўна ўдзельнічае ў групавых і персанальных выставах па ўсёй Беларусі. Дзве яго персанальныя выставы прайшлі ў арт-прасторы на Талстога,7.
Аўтар працуе ў жанрах пейзажа, партрэта, жанравага і абстрактнага жывапісу. Асноўныя тэхнікі – алейны жывапіс, акрыл, гуаш, акварэль.
📍Арт-прастора на Талстога,7
🗓️15 лістапада
⏱️15.00
Уваход вольны
📸 @rindevichphoto @igorgusakov4
Калажная лабараторыя Наталлі Тарабукі @leonta55ster 💥
Дызайн & гарбата & нажніцы🫖☕️
Тэма: гановерскія пункціры
Па матывах паэзіі Алеся Разанава
Тое, што натхняет:
Сонца ўзыходзіць.
Вокны
Дзеляцца адлюстраваннем
Алесь Разанаў
12 лістапада на Талстога, 7 :
пачынаем : #калажыць#дызайнерыць #убачыцьслова
будуем: візуальныя паралелі
Задача : #гарбата&дызайн #заварка&гутарка #адлюстроўваемдумкі#адлюстроўваемпачуцці #выпрабоўваемпрыёмы
Фармат : калажны летэрынг: лепкаформы + асамбляж +техника лоскутного одеяла, + крамблаж + вываратка, фрасаж+, дэкалаж +, ралаж +, хіазмаж +, канкраж, + жывапіс, + графіка + вентяж
Узяць з сабой:пачуцці&любімаягарбата&прысмакі
P.S. дызайн тут✅
Уваход: дарослыя – 4 руб. школьнікі, студэнты – 2 руб.
Афіша: @leonta55ster
#гановерскіяпункціры#паэзіяАлесяРазанава
12 лістапада 2025 года а 16.00 гадзіне ў выставачнай зале на Белабародава, 5 адбудзецца адкрыццё выставы IX Рэспубліканскай біенале мастацкага тэкстылю «Дыялог пакаленняў».
Паказ дасягненняў мастакоў-тэкстыльшчыкаў у агульнабеларускім маштабе ўжо стаў традыцыяй для Віцебска: усе папярэднія біенале адбываліся тут з 2009 года. Назва і канцэптуальная ідэя біенале – “Дыялог пакаленняў”. Удзельнікі біенале’2025 прадстаўляюць узроставую групу ад 1944 да 2004 года нараджэння, што робіць дыялог паміж пакаленнямі цэнтральнай тэмай мерапрыемства.
У экспазіцыі гледачы змогуць пазнаёміцца з разнастайнымі тэхнікамі і жанрамі: батыкам, габеленам, лямцам, роспісам па тканіне, тэкстыльнымі аб’ектамі і інсталяцыямі. Экспанаты прадстаўлены як знакамітымі мастакамі, так і маладымі аўтарамі – студэнтамі мастацкіх навучальных устаноў Беларусі.
Сучасны мастацкі тэкстыль з’яўляецца самастойным напрамкам развіцця пластычных мастацтваў, які ўтрымлівае шырокую праблематыку быцця чалавека ў свеце, раскрывае экзістэнцыяльныя, экалагічныя тэмы, стварае арыгінальныя эстэтычныя структуры. У сённяшні час творцы смела эксперыментуюць з формай, пашыраюць сродкі тактыльнай выразнасці за кошт скарыстання розных матэрыялаў, прыёмаў і тэхнік. Гэтая выстава забяспечвае унікальную магчымасць убачыць свежыя творчыя ідэі ў спалучэнні з вопытам розных пакаленняў.
Куратары выставы: Наталля Лісоўская і Алена Обадава.
Выстава будзе працаваць да 14 снежня 2025
📍12 лістапада выставачная зала Белабародава, 5
⏱️ 16.00
Афіша @marina_vorohobko
7 лістапада а 17 гадзіне ў арт-прасторы Талстога,7 адбудзецца адкрыццё персанальнай выставы графікі Данііла Качуры «Бура» @kachura_nil
Мастак прэзентуе серыю графічных аркушаў “Катастрофа на вадзе», выкананых у аўтарскай тэхніцы. Ён даследуе тэму глабальных экалагічных праблем, звязаных з забруджваннем і разбурэннямі водных экасістэм, а таксама месца і ролю чалавека ў іх.
Афіша @daria_oblivion
AI @kachura_nil
Калажная лабараторыя Наталлі Тарабукі 💥
Дызайн & гарбата & нажніцы &яблычны пірог🫖☕️
Тэма : У пачатку было слова…
Юбілейная сустрэча. Нам год!
Тое, што натхняе:
Нам не дано предугадать,
Как слово наше отзовется, –
И нам сочувствие дается,
Как нам дается благодать...
Ф. И. Тютчев.
5 лістапада на Талстога, 7:
пачынаем: #святкаваць #калажыць#дізайнерыць #убачыцьслова
5 лістапада на Талстога, 7:
пачынаем: #святкаваць #калажыць #дізайнерыць #убачыцьслова
Задача : #гарбата&дызайн #заварка&гутарка #адлюстроўваемдумкі#адлюстроўваемпачуцці #выпрабоўваемпрыёмы
Фармат : калажны лэтэрынг : лепкаформы + асамбляж +техника лоскутного одеяла, + крамблаж + вываратка, фрасаж+, дэкалаж +, ралаж +, хіазмаж +, канкраж, + жывапіс, + графіка + вентяж
Узяць з сабой : #пачуцці&любімаягарбата&прысмакі
P.S. дызайн тут✅
Уваход вольны!
Фотамоманты ад @igorgusakov4 з адкрыцця выставы “Ле Карбюзье: віцебскае рэха” у Музеі Віцебскага народнага мастацкага вучылішча.
Выстава будзе працаваць па 30 лістапада ўключна.
4 лістапада а 14 гадзіне ў Музеі гісторыі Віцебскага народнага мастацскага вучылішча адбудзецца адкрыццё фотавыставы «ЛЕ КАРБЮЗЬЕ: віцебскае рэха», прысвечанай архітэктару Шарлю-Эдуару Жанерэ-Гры (1887-1965), больш вядомаму пад творчым псеўданімам Ле Карбюзье.
Серыя фотастэндаў знаёміць з праектамі вялікага архітэктара, якія ён ажыццявіў у Швейцарыі, дзе нарадзіўся і зрабіў першыя важныя крокі ў прафесіі, і Францыі, дзе стварыў уласнае архітэктурнае бюро. Фатаграфіі твораў прадставіў Фонд Ле Карбюзье.
Вядомы архітэктар ніколі не быў у Віцебску, але “рэха Ле Карбюзье” у сучаснай прасторы горада чутна вельмі выразна. Разглядаючы знакамітыя архітэктурныя канцэпты Ле Карбюзье, можна па-новаму зірнуць, напрыклад, на маштабнае будаўніцтва віцебскіх мікрараёнаў 1960-1980 гадоў, на сетку пасляваенных праспектаў Віцебска, водна-ландшафтную сістэму горада 1990-х гадоў і ў цэлым на гарадское асяроддзе, у якім мы жывём і якое – хочам мы гэтага ці не – фармуе нас і вызначае наша жыццё.
Выстава падрыхтавана напярэдадні і ў рамках фестывалю архітэктуры, прысвечанага 90-годдзю Беларускага саюза архітэктараў і арганізаванага творчым саюзам па ініцыятыве і пры падтрымцы Пасольства Францыі і пасольства Швейцарыі ў Рэспубліцы Беларусь.
Выстава будзе працаваць да 30 лістапада 2025 года.
📍Музей гісторыі Віцебскага народнага мастацкага вучылішча
вул. Марка Шагала, 5а
⏱️ 4 лістапада 2025 а 14 гадзіне
Фотамоманты з майстар-класа па роспісу гарбузоў ад @kachura_nil у межах цыкла МК творчай супольнасці @tkach_pro у арт-прасторы Талстога, 7
📸@igorgusakov4
