У выставачнай зале Белабародава, 5 працуе выстава «Кветкі Вялікай Перамогі», прымеркаванай да 80-годдзя Перамогі ў Вялікай Айчыннай вайне.
Экспазіцыя складаецца з трох тэматычных блокаў. Гэта творчыя работы мастакоў-франтавікоў і пакалення творцаў, якія нарадзіліся ў ваенныя гады, а таксама мастацкая фатаграфія і фота-інсталяцыі, якія апавядаюць пра музеі і мерапрыемствы, прысвечаныя памяці герояў вайны на Віцебшчыне. Трэці блок складаюць творы сучасных аўтараў, якія раскрываюць актуальныя праблемы сённяшняга дня.
Выстава мае рэтраспектыўны характар і рэпрэзентуе візуальныя вобразы гераічных і трагічных падзей нашай гісторыі.
У экспазіцыі прадстаўлены фатаграфіі, скульптура, тэкстыль, маёліка, жывапісныя і графічныя творы больш за 40 аўтараў.
Выстава будзе працаваць да 22 чэрвеня 2025 года ўключна.
