Музей гісторыі Віцебскага народнага мастацкага вучылішча
Музей размешчаны ў асабняку, у якім у 1918–1923 гадах працавала Віцебскае народнае мастацкае вучылішча, заснаванае Маркам Шагалам. Будынак з'яўляецца гісторыка-культурным помнікам архітэктуры пачатку ХХ стагоддзя.
Музей гісторыі Віцебскага народнага мастацкага вучылішча асвятляе гісторыю і культуру Віцебска ХIХ – ХХ стагоддзяў, расказвае пра такіх мастакоў, як Марк ШАГАЛ, Казімір МАЛЕВІЧ, Эль ЛІСІЦКІ і многіх іншых, а таксама пра творчае аб'яднанне УНОВІС (“Сцвярджальнікі Новага Мастацтва”).
Музей абсталяваны мультымедыйнымі прыладамі, якія дазваляюць пагрузіцца ў тэму рускага авангарда.
Прадугледжана экскурсійнае абслугоўванне і індывідуальнае наведванне.
210015, г. Віцебск, вул. Марка Шагала, 5а
тэл.: +375 212 680125
Зімовы час працы (з 1 кастрычніка): 10.00 –18.00.
Летні час працы (з 1 мая): 11.00 – 19.00.
Выхадны: аўторак.
Афіцыйнае адкрыццё Музея гісторыі Віцебскага народнага мастацкага вучылішча (вул. Марка Шагала, 5а) адбылося 9 лютага 2018 года ў будынку, у якім у 1918–1923 гадах размяшчалася Віцебскае народнае мастацкае вучылішча (ВНМВ). Вучылішча было створана па ініцыятыве Марка Шагала – упаўнаважанага Калегіі па справах мастацтваў Віцебскай губерні, і стала першай дзяржаўнай педагагічнай установай мастацкага профілю на тэрыторыі нашай краіны.
Музей адкрыты напярэдадні 100-гадовага юбілею заснавання ВНМВ, а рэканструкцыя будынка была распачата ў 2013-м – у год стагоддзя з часу будаўніцтва будынка віцебскім банкірам Ізраілем ВІШНЯКОМ.
Рэканструкцыя выканана ў адпаведнасці з захаваным планам будынка 1923 года: узноўлены тыповы інтэр'ер пачатку XX стагоддзя, фрагментарна адкрыты аўтэнтычны мур сцен, зроблены зандаж старой тынкоўкі.
Мультымедыйнае абсталяванне дапамагае акунуцца ў атмасферу тых гадоў.
Наведвальнікі музея могуць азнаёміцца з культурным жыццём Віцебска канца ХІХ – пачатку ХХ стагоддзя, даведацца пра дзейнасць ВНМВ і пра стварэнне творчага аб'яднання УНОВІС (“Сцвярджальнікі Новага Мастацтва”).
З ВНМВ звязаны найбольш плённыя гады такіх мастакоў рускага авангарда, як Марк ШАГАЛ, Казімір МАЛЕВІЧ і Эль ЛІСІЦКІ.
Цяпер Марк ШАГАЛ і Казімір МАЛЕВІЧ уваходзяць у ТОП-30 самых дарагіх мастакоў свету, і іх творчасць цікавіць людзей розных краін.
Наведвальнікі могуць пабываць у зале Марка ШАГАЛА, у якой знаходзіцца ўнікальнае мультымедыйнае люстэрка, якое дазваляе весці “дыялог” з Майстрам.
У зале Казіміра МАЛЕВІЧА на сценах “ажываюць” цытаты з твораў аўтара знакамітага “Чорнага квадрата”. Кожны наведвальнік можа скарыстацца інфармацыяй, якая занесена ў мультымедыйны стол, выкананы ў стылі мінулага стагоддзя.
У музеі таксама можна даведацца пра жыццёвы і творчы шлях выкладчыкаў і выпускнікоў вучылішча: Мсціслава Дабужынскага, Веры Ермалаевай, Роберта Фалька, Аляксандра Рома, Ксеніі Багуслаўскай, Івана Пуні, Давіда Якерсона, Іллі Чашніка, Ніны Коган, Мікалая Суеціна, Абрама Бразера і многіх іншых, дзякуючы якім Віцебск увайшоў у гісторыю сусветнага мастацтва.
Сёння, 3 мая, а 17-й гадзіне ў выставачнай зале на Белабародава, 5 адбудзецца адкрыццё зборнай выставы Віцебскага аддзялення Беларускага саюза мастакоў “80 гадоў пад мірным небам”.
Выставачны праект прымеркаваны да 80-годдзя вызвалення Беларусі ад нямецка-фашысцкіх захопнікаў.
У экспазіцыі прадстаўлены жывапісныя і графічныя творы, тэкстыль, арт-аб’екты і інсталяцыі. Усяго каля 50 работ і больш за 30 аўтараў.
Куратар выставачнага праекта, старшыня Віцебскага аддзялення Беларускага саюза мастакоў Віктар Нікалаеў падкрэслівае: “Мы прадстаўляем гледачу работы, створаныя пад мірным небам Беларусі. Тэмы, тэхнікі, матэрыялы разнастайныя, але ўсіх аб’ядноўвае разам жыццесцвярджальная светлая любоў да роднага краю…”
Выстава будзе працаваць да 7 ліпеня ўключна.
Запрашаем на аўтарскаю экскурсію па выставе “Квантавая семіётыка. Здабыванне новай рэальнасці” мастака Алекса Ганчарэнкі!
30 красавіка а 17-й гадзіне ў музеі гісторыі Віцебскага народнага мастацкага вучылішча.
Уваход вольны!
На відэа @alex.goncharenko расказвае пра сваю работу “Формула чорнага квадрата Малевіча”, прысвечаную стагоддзю Баўхаўзa.
Учора адбылося адкрыццё выставы Алекса Ганчарэнкі “Квантавая семіётыка. Здабыванне новай рэальнасці”.
@alex.goncharenko
Выстава працуе ў музеі гісторыі Віцебскага народнага мастацкага вучылішча.
У аўторак, 30 красавіка, а 17-й гадзіне адбудзецца аўтарская экскурсія па выставе. Не прапусціце!
Традыцыйнае відэазапрашэнне ад Наталлі Ігараўны на апошнюю лекцыю сезона!
@leonta55ster
Запісацца можна ў дырэкт, не прапусціце)
Курс лекцый па гісторыі і сімволіцы плаката «Плакат быў, ёсць, будзе!»
Лекцыі чытае сябар Беларускага саюза дызайнераў Наталля Тарабука @leonta55ster
27 красавіка а 15-й гадзіне адбудзецца апошняя лекцыя сезона.
6 лекцыя: Фэшн-плакат як стыль жыцця. Актуальныя трэнды і традыцыі.
На майстар-класе створым фэшн-постэр. Будзем выкарыстоўваць тэхніку сілуэтных трафарэтаў, калаж і аўтарскую графіку.
Майстар-клас адбудзецца адразу пасля лекцыі.
📍Музей гісторыі Віцебскага народнага мастацкага вучылішча (вул. Марка Шагала, 5а).
Кошт: 7 р. Запіс у дырэкт абавязковы!
Сёння ў арт-прасторы “Талстога, 7” адбылося адкрыццё выставы “Пагоркі і грудкі” - праекта маладых беларускіх фатографаў з розных куткоў Беларусі!
Наведаць можна да 23 чэрвеня ўключна.
26 апреля 2024 года в Музее истории Витебского народного художественного училища открывается выставка актуального художника Алекса Гончаренко «Квантовая семиотика. Обретение новой реальности».
Художественная интуиция нередко раньше, чем строгие научные формулировки открывает пути познания настоящего и будущего. Так в творчестве Алекса Гончаренко сложился образ квантовой Вселенной, пронизанной токами, волнами и частицами, объятой свободой вечного самообновления. Кроме того, в его произведениях нашли отражение открытия, связанные с понятием «квантовая семиотика», которое пока не имеет однозначного научного толкования. При помощи образов и символов художник осваивает глубины мироздания, прокладывая путь к точке отсчета Начала всех Начал, которая теперь неотделима от Настоящего. Алекс Гончаренко визуализирует острые культурно-исторические процессы нашего времени и личную вселенную человека, его композиции наполнены культурной памятью и огромной любовью, которую он дарит обновленному миру.
Кураторы проекта: Ирина Корнева-Чаева, Илья Вольнов. При поддержке Московского Политеха, Института философии НАН Беларуси.
Открытие выставки состоится 26 апреля 2024 года в 17:00.
24 красавіка а 18-й гадзіне ў арт-прасторы “Талстога, 7” адбудзецца адкрыццё выставачнага праекта «Пагоркі і грудкі» маладых беларускіх фатографаў з розных куткоў Беларусі.
Пагоркі часта займаюць асабліва святое месца ў розных культурах і служаць крыніцай узнікнення міфа. Невысокія і бяспечныя вяршыні, позірк з якіх працягваецца перспектывай бясконцых плаўных адлюстраванняў, не аднойчы станавіліся полем дзеяння таго ці іншага эпасу ці героя. Так Джон Толкін селіць свой маленькі народ, які выратаваў свет ад катастрофы, сярод зялёных грудкоў Шыру. А «Бітлы» накіроўваюць на вяршыню пагорка аднаго з самых светлых герояў сваіх песень.
Серыя фотаздымкаў «Пагоркі і грудкі» — гэта дружнае падарожжа па хвалістай паверхні часу і прасторы на летнім фатаграфічным пленэры на арт-хутары «Васіліна» непадалёк ад старажытнага Лоску.
Усе фотаздымкі надрукаваныя ў тэхніцы цыянатыпіі літаральна на летнім сонцы ўдзельнікамі праекта. Для танавання ў колер охры выкарыстоўваліся расліны, якія былі сабраныя на пагорках у працэсе сумесных эксперыментаў.
Крыніцай вобразаў для серыі паслужылі архіўныя фатаграфіі, аўтарскія здымкі ўдзельнікаў праекту і час, які пачаў змываць эмульсію і твары ў старых рамах, тым самым малюючы галоўную візуальную метафару праекта — крохкасць і разам з тым пастаяннае абнаўленне жыцця сярод маляўнічага прыроднага ландшафту.
На пагорках сустрэліся і працягваюць працаваць:
Эмілія Кярвяк, Гродна
@kerviak_emilia
Віка Якімчык, Мінск
@vikimoto_yakimoto
Лена Ле, Мінск
@tea_virid
Яўгенія Барысевіч, Мінск
@yauheniya_
Паліна Іванова, Бахчысарай – Магілёў
@carnival.noon
Антон Талашка, Маларыта
Верасень і Аўгіня, Арт-хутар «Васіліна»
@art.hutar.vasilina
@litota
Нагадваем, што ў выставачнай зале на Белабародава, 5 працуе сумесная выстава Міхася Ляўковіча і Леаніда Мядзведскага «Два позіркі — адзін шлях».
Вядомыя віцебскія мастакі, сябры Беларускага саюза мастакоў прадставілі партрэты, нацюрморты і пейзажы, дзе сродкамі ліній і колераў трансфармуюць свет у абстрактныя, асацыятыўныя палотны.
А на нашым ютуб-канале выйшла відэа, дзе мастак Міхась Ляўковіч расказвае пра нараджэнне ідэі праекта, адметнасці творчых падыходаў і працу ў суседніх з Леанідам Мядзведскім майстэрнях, а таксама пра нюансы распрацоўкі цяперашняй экспазіцыі.
Поўнае відэа па спасылцы ў сторыс і шапцы профілю.
Ну і традыцыйнае запрашэнне на лекцыю ад Наталлі Тарабукі @leonta55ster 🙂
13 красавіка а 15-й гадзіне адбудзецца пятая лекцыя курса.
5 лекцыя: Кінаплакат у галоўнай ролі. Трэнды ў культурных традыцыях азіяцкага плаката. Крэатыў і атмасфера. Апавяданне або выклік. Візуальныя канцэпты і сэнсы ў кінаплакаце.
Кошт: 7 р. Запіс у дырэкт інстаграма абавязковы!
Курс лекцый па гісторыі і сімволіцы плаката «Плакат быў, ёсць, будзе!»
Лекцыі чытае сябар Беларускага саюза дызайнераў Наталля Тарабука @leonta55ster
13 красавіка а 15-й гадзіне адбудзецца пятая лекцыя курса.
5 лекцыя: Кінаплакат у галоўнай ролі. Трэнды ў культурных традыцыях азіяцкага плаката. Крэатыў і атмасфера. Апавяданне або выклік. Візуальныя канцэпты і сэнсы ў кінаплакаце.
На майстар-класе пасля лекцыі створым плакат фільма ў стылі арт-хаўс. Можна ўзяць з сабой акварэль і любімы пэндзлік.
📍Музей гісторыі Віцебскага народнага мастацкага вучылішча (вул. Марка Шагала, 5а).
Кошт: 7 р. Запіс у дырэкт абавязковы!
