Спіс Віцебскага УНОВІС

Ермалаева Вера Міхайлаўна (2 лістапада 1893, с. Ключы, Саратаўская губерня – 26 верасня 1937, Караганда), мастак, графік, ілюстратар.
Выкладчык Віцебскага народнага мастацкага вучылішча (ВНМВ).
З 19 чэрвеня 1920 года па жнівень 1922 года – дырэктар Віцебскага мастацка-практычнага інстытута, у які было пераўтворана ВНМВ.
Уваходзіла ў склад УНОВІСа (“Сцвярджальнікі Новага Мастацтва”).
З'яўлялася сакратаром творчага камітэта УНОВІСа.

Цыперсон Леў Восіпавіч (1899, Віцебск – 1963, Масква), тэатральны мастак, архітэктар.
У 1919 – 1921 гадах вучыўся ў Віцебскім народным мастацкім вучылішчы. Займаўся ў майстэрні Марка Шагала, затым перайшоў да Веры Ермалаевай і Казіміра Малевіча.
Сябра УНОВІСа (1920).

Магарыл Яўгенія Маркаўна (21 чэрвеня 1902, Віцебск – 1987), мастак, графік, аквалерыст.
Падчас вучобы ў Віцебскай народнай мастацкай вучэльні займалася ў майстэрнях у Марка Шагала, Веры Ермалаевай і Казіміра Малевіча.
Уваходзіла ў склад творчага аб'яднання УНОВІС (“Сцвярджальнікі Новага Мастацтва”).

Малевіч Казімір Севярынавіч (23 лютага 1879, Кіеў – 15 мая 1935, Ленінград), заснавальнік супрэматызму, мастак-авангардыст, педагог, тэарэтык мастацтва, філосаф.
Прафесар-кіраўнік майстэрні ў Віцебскім народным мастацкім вучылішчы.
Заснавальнік творчага аб'яднання “УНОВІС” (“Сцвярджальнікі Новага Мастацтва”).
Віцебскі цыкл Казіміра Малевіча складаюць філасофскія працы «Аб новых сістэмах у мастацтве» (1919), «Ад Сезана да супрэматызму» (1920), «Супрэматызм. 34 малюнкі» (1920), «Да пытання выяўленчага мастацтва» (1921).
У калекцыі Музея "Віцебскі цэнтр сучаснага мастацтва" захоўваецца віцебскае выданне трактата "Бог не скінуты: Мастацтва, царква, фабрыка" (1922), які ўвайшоў у другую частку галоўнага філасофскага трактата Казіміра Малевіча "Супрэматызм. Свет як беспрадметнасць, ці Вечны спакой», які быў скончаны 19 лютага 1922 года.

Валхонскі Эфраім Барысавіч (1902, Віцебск – 1945), мастак, афарміцель.
Падчас вучобы ў Віцебскім народным мастацкім вучылішчы займаўся ў Марка Шагала. Пазней – у майстэрні Казіміра Малевіча.
Уваходзіў у склад творчага аб'яднання “УНОВІС” (“Сцвярджальнікі Новага Мастацтва”).

Чашнік Ілля Рыгоравіч (26 чэрвеня 1902, Люцын – 4 сакавіка 1929, Ленінград), мастак, дызайнер.
Падчас вучобы ў Віцебскім народным мастацкім вучылішчы займаўся ў Эль Лісіцкага і Казіміра Малевіча.
Уваходзіў у склад УНОВІСа (“Сцвярджальнікі Новага Мастацтва”).
З 1920 года – у складзе творчага камітэта УНОВІСа.

Ніна Іосіфаўна (Восіпаўна) Коган (6 красавіка 1889 – 1942, Ленінград, СССР), мастак, выкладчык.
Выкладала ў Віцебскім народным мастацкім вучылішчы (затым Віцебскім мастацка-практычным інстытуце) курс прапедэўтыкі.
Уваходзіла ў склад творчага аб'яднання УНОВІС (“Сцвярджальнікі Новага Мастацтва”).
Сябра творчага камітэта УНОВІСа.
Аўтар ідэі, распрацоўкі і арганізацыі супрэматычнага балета, паказанага ў Віцебску 6 лютага 1920 года.

Зуперман Лазар Львовіч (1898 (1904?) Віцебск – 18 студзеня 1921, Віцебск), мастак.
У 1919 – 1921 гадах падчас вучобы ў Віцебскім народным мастацкім вучылішчы займаўся ў майстэрнях Веры Ермалаевай і Казіміра Малевіча.
Сябра творчага аб'яднання “УНОВІС” (“Сцвярджальнікі Новага Мастацтва”).
Старшыня выканкама навучэнцаў і член калегіі педсавета.

Лазар Маркавіч Лісіцкі (Эль Лісіцкі, 22 лістапада 1890, Пачынак, Смаленская губерня – 30 снежня 1941, Масква), інжынер-архітэктар, мастак-канструктар, ілюстратар, майстар шрыфта, дызайнер, тэарэтык мастацтва.
З верасня 1919 года да восені 1920 года – выкладчык архітэктурнай майстэрні Віцебскага народнага мастацкага вучылішча.
Адзін з актыўных дзеячаў творчага аб'яднання “УНОВІС” (“Сцвярджальнікі Новага Мастацтва”).
Удзельнічаў у выданні брашуры Казіміра Малевіча “Аб новых сістэмах у мастацтве”, а таксама праграмнага выдання “Альманах УНОВІС № 1”.
Аўтар плаката “Клінам чырвоны бі белых” (1920).

Раяк Яфім Майсеевіч (1906, Віцебск – 1987, Масква), жывапісец, графік, архітэктар.
Самы юны ўдзельнік творчага аб'яднання “УНОВІС” (“Сцвярджальнікі Новага Мастацтва”). У 1920 годзе Яфіму Рояку было 14 гадоў.

Іван Трафімавіч Гаўрыс (2 снежня 1890, в. Кухчыцы Клецкай воласці Слуцкага павета Мінскай губерні – 4 лістапада 1937, Віцебск), мастак, графік, педагог, грамадскі дзеяч.
У 1919 годзе паступіў у Віцебскае народнае мастацкае вучылішча. Вывучаў сістэмы футурызму, кубізму і супрэматызму.
Уваходзіў у склад творчага камітэта “УНОВІС”.
З 15 жніўня 1922 года – выконваючы абавязкі рэктара Віцебскага мастацка-практычнага інстытута, з лютага 1923 года па 1 жніўня 1923 года – рэктар.

Лазар Маркавіч Хідэкель (16 снежня 1904 (29 снежня 1904), Віцебск – 22 лістапада 1986, Ленінград), архітэктар, мастак.
Скончыў Віцебскі навукова-практычны інстытут.
Уваходзіў у склад УНОВІСа (“Сцвярджальнікі Новага Мастацтва”).
Сябра творчага камітэта УНОВІСа (1920).
Адзін з аўтараў часопіса "АЭРА" і газеты творчага камітэта УНОВІСа.

Векслер Майсей Саламонавіч (1898, Віцебск – 1976, Ленінград), жывапісец, графік, ілюстратар, афарміцель, мастак плакатаў кіно, член Саюза мастакоў СССР.
Скончыў Віцебскі навукова-практычны інстытут (1919 – 1922). Падчас вучобы займаўся ў майстэрнях Марка Шагала, Казіміра Малевіча і Эль Лісіцкага.
Стараста майстэрні футурызму.
Сябра УНОВІСа.

Векслер Абрам Саламонавіч (1905, Горкі Магілёўскай губерні – 1974, Ленінград), мастак, мастак-пастаноўшчык у кіно.
У 1921–1922 гадах вучыўся ў Віцебскім мастацка-практычным інстытуце ў Юдэля Пэна, потым у Казіміра Малевіча.
Сябра творчага аб'яднання “УНОВІС” (“Сцвярджальнікі Новага Мастацтва”).

Цэйтлін Майсей Віктаравіч
Падчас вучобы ў Віцебскім народным мастацкім вучылішчы (1919–1922) займаўся ў майстэрнях Веры Ермалаевай і Эль Лісіцкага.
Сябра УНОВІСа.

Давід Аронавіч Якерсон (1896, Віцебск – 1947, Масква), скульптар, графік, афарміцель.
Уваходзіў у творчае аб'яднанне “УНОВІС” (“Сцвярджальнікі Новага Мастацтва”).
У 1919–1921 гадах кіраваў скульптурнай майстэрняй у Віцебскім народным мастацкім вучылішчы.
Удзельнічаў у афармленні Віцебска да Першай гадавіны Кастрычніцкай рэвалюцыі, а таксама ў рэалізацыі плана манументальнай прапаганды ў Віцебску і губерні.

Іван Іванавіч Чарвінка (1891 – пасля 1950), мастак, спецыяліст па ткацтве.
Скончыў Віцебскае народнае мастацкае вучылішча.
Уваходзіў у творчае аб'яднанне “УНОВІС” (“Сцвярджальнікі Новага Мастацтва”).
Аўтар “Статута арцелі мастацкай працы пры Віцебскіх ДСММ”.

Наскоў Георгій (1902–?), жывапісец, скульптар.
Вучыўся ў Віцебскім народным мастацкім вучылішчы.
У красавіку 1921 года быў прыняты на пасаду прафесара-кіраўніка падрыхтоўчай майстэрні ВНМВ, з'яўляючыся студэнтам.
Сябра УНОВІСа.

Суецін Мікалай Міхайлавіч (6 лістапада 1897 – 22 лютага 1954), мастак, дызайнер, графік, рэфарматар рускага фарфору.
Скончыў Віцебскі навукова-практычны інстытут (1918–1922).
У час вучобы займаўся ў майстэрні Казіміра Малевіча.
З 1920 года – сябра творчага аб'яднання “УНОВІС” (“Сцвярджальнікі новага мастацтва”).

Зевін Леў Якаўлевіч (1903, Віцебск – 1942), жывапісец, графік, тэатральны мастак, ілюстратар.
Вучыўся ў Віцебскім народным мастацкім вучылішчы (1919–1921) у студыі Марка Шагала (да 1920), затым у Казіміра Малевіча і Веры Ермалаевай, пазней у Роберта Фалька.
Сябра творчага аб'яднання “УНОВІС” (1920).